किती वयापर्यंत स्त्री आई होऊ शकते?

पूर्वी मुलींची खूप कमी वयात लग्न व्हायची आणि त्यामुळे त्या आई देखील लवकर बनायच्या. तेव्हाच्या काळी लवकर संसाराला लागून लवकर आई होणं चांगलं मानलं जायचं. पण आता काळ बदलला तसे विचारही बदलले. आता मुली या स्वत:च्या पायावर उभं राहून, यशस्वी करियर निर्माण करून मग संसाराची, मुलांची जबाबदारी स्वीकारण्यावर भर देतात. त्यांना पंचवीस वा तिशीच्या वयात आई होणं हे खूप लवकर वाटतं. अनेक तरुणींच्या मते ३० नंतर लग्न करून ३५ च्या वयात आई होणे योग्य! पण खरंच हे योग्य आहे का? ३५ च्या वयात आई होणे याबद्दल वैद्यकीय शास्त्र काय सांगतं? तर त्याचं उत्तर आहे या वयातील शरीराची स्थिती पाहता ३५ व्या वर्षात आई होणे काहीशा समस्या निर्माण करू शकते. आज आम्ही तुम्हाला याच समस्यांबद्दल सांगणार आहोत की ३५ च्या वयात आई बनू पाहणाऱ्या स्त्रीला कोणत्या संकटांना सामोरे जावे लागू शकते. चला जाणून घेऊया.

मल्‍टीपल प्रेग्‍नेंसीचा धोका

हार्मोनल बदलांमुळे वय वाढल्यास जुळी अर्भके होण्याची शक्यता वाढते. जुळी अर्भके होणे हे काही जण भाग्याचं समजतात, पण यात खूप मोठा धोका असततो. त्यात बहुतांश महिला आईवीएफच्या माध्यमातून गर्भधारणा करतात, ज्यात एकाच वेळी दोन पेक्षा जास्त अंडी रिलीज होण्याची शक्यता असते. त्यामुळे ज्यांना आपली डिलिव्हरी सामान्य व्हावी आणि एकच मुल व्हावं असं वाटत असले त्यांनी जास्त वयात आई होण्याचा धोका पत्करू नये आणि योग्य वयातच हि गोष्ट पूर्ण करावी.

जेस्‍टेशनल डायबिटीजची शक्यता

गरोदरपणात होणाऱ्या मधुमेहाला जेस्‍टेशनल डायबिटीज असे म्हणतात. ३५ किंवा त्यापेक्षा जास्त वयाच्या स्त्रिया जेव्हा आई होऊ पाहतात तेव्हा त्यांच्या शरीरात हि समस्या निर्माण होण्याचा धोका वाढतो. अशावेळी रक्तातील साखर नियंत्रित ठेवणे आणि सतत व्यायाम करणे गरजेचे असते. कधी कधी औषधांची सुद्धा गरज भासू शकते. जर जेस्‍टेशनल डायबिटीजवर उपचार केले नाहीत तर बाळाचा आहार सामान्य पेक्षा जास्त होऊ शकतो ज्यामुळे डिलिव्हरी वेळी जखम होऊ शकते.

गर्भावस्थेत हाय ब्‍लड प्रेशरचा धोका

अनेक संधोधनातून असे सिद्ध झाले आहे की जास्त वयाच्या स्त्रियांमध्ये गरोदरपणात हाय ब्लड प्रेशर अर्थात उच्च रक्तदाबाची समस्या निर्माण होऊ शकते. गर्भावस्थेमध्ये अशा स्त्रियांनी नियमित चेकअप करून बाळाच्या विकासाची आणि वृद्धीची माहिती घेत राहिली पाहिजे. या सोबतच वारंवार आपला रक्तदाबही तपासणं जरुरी आहे. जर त्यात काही समस्या असेल तर वेळीच डॉक्टरांच्या सल्ल्याने उपचार घ्यावेत आणि सुरक्षित राहावे.

प्रीमॅच्‍युर डिलिव्हरी किंवा सी-सेक्‍शन

जर तुम्ही ३५ वयाच्या नंतर आई बनू इच्छीत असाल तर तुमची प्रीमॅच्‍युर किंवा सिजेरियन डिलिव्हरी होण्याचा धोका वाढतो. प्रीमॅच्‍युर डिलिव्हरी म्हणजे ज्यात नऊ महिने पूर्ण होण्याआधीच डिलिव्हरी होते आणि सिजेरियन डिलिव्हरी तर आपणा सर्वांनाच माहित आहे. यात प्‍लेसेंटा प्रीविआ (ज्यात प्‍लेसेंटा गर्भाशय ग्रीवा ला ब्‍लॉक करते) सारख्या स्थितीमुळे सी-सेक्शन करावं लागतं. त्यामुळे या गोष्टीचा विचार करूनच ३५ व्या वयात आई व्हायचं कि नाही त्याचा निर्णय घ्यावा.

गर्भपाताची शक्यता

जस जसे तुमचे वय वाढत जाते तस तशी तुमची प्रजनन क्षमता कमी होऊ लागते. यामुळे जास्त वयात गरोदर राहिल्याने मिसकॅरेज वा मृत अर्भकाच्या जन्मच धोका वाढतो. संशोधनानुसार अंड्याच्या गुणवत्ते मध्ये येणाऱ्या कमतरतेमुळे आणि उच्च रक्तदाब किंवा मधुमेह यांसारख्या दीर्घकालीन समस्यांमुळे मिसकॅरेजचा धोका वाढत जातो. गरोदरपणाच्या शेवटच्या आठवड्यात आपल्या पोटातील अर्भकाच्या विकासाची आणि सुस्थितीत असण्याची माहिती नक्की करवून घ्या.

तर मंडळी,या सर्व समस्यांमुळेच असे म्हणतात की स्त्रियांची आई होण्याची क्षमता आणि योग्य वय हे ३० पर्यंतच असते. त्यानंतर कोणती स्त्री आई होऊ इच्छित असले तर तिच्या वाट्याला या समस्या येऊ शकतात आणि त्यामुळे तिच्या किंवा बाळाच्या जीवालाही धोका निर्माण होऊ शकतो. म्हणून सुरक्षित बाळंतपण घालवून आई व्हायचं असेल तर योग्य वेळेतच निर्णय घ्या.